![](https://albanianpost.com/wp-content/uploads/2022/10/Screenshot-2022-10-07-084351.jpg)
Byroja Federale e Hetimit në SHBA ka mbledhur prova të mjaftueshme për të inkriminuar Hunter Biden, djalin e presidentit amerikan, Joe Biden, për shkelje të kryera me taksat dhe një dëshmi të rreme për blerjen e një arme.
Ky hetim federal është ndërmarrë që prej vitit 2018 ndaj Hunter Biden dhe tashmë, katër vjet më pas, mund të ketë prova të mjaftueshme për dënimin e tij.
Kështu shkruan media shtetërore britanike BBC, e cila së bashku me median amerikane CBS, ka siguruar dëshmitë mbi këtë çështje.
Megjithatë, nëse akuzat do të ngrihen apo jo, kjo mbetet në dorë të prokurorëve në shtetin e Delaware.
Një prej avokatëve të Hunter nga ana tjetër, theksoi se pala nuk është kontaktuar prej agjentëve federalë amerikanë dhe vetë Biden, e mohon kategorikisht shkeljen e ligjit.
Po ashtu, Departamenti i Drejtësisë në SHBA, ka refuzuar të komentojë mbi çështjen.
Djali 52-vjeçar i kreut të Shtëpisë së Bardhë, një avokat dhe lobist i njohur, i cili ka punuar jashtë vendit në vende si Kina apo Ukraina, u përjashtua nga Marina amerikane në vitin 2014, kur rezultoi pozitiv në një test kokaine.
Më pas, në vitin 2018, sipas medias amerikane Washington Post, agjentët federalë nisën një hetim ndaj tij, të cilin e bazuan kryesisht në dokumentacion sa i përket biznesve jashtë vendit dhe çështjeve të konsultimit, për të cilat ai paguhej.
Më pas, gjithçka u përqendrua në aspektin e taksave, ku pretendimi ishte ai se Hunter kishte bërë shkelje në fshehjen e të ardhurave reale.
Duke i shtuar gjithsesi edhe një akuzë për blerje të rreme armësh (një krim shumë i rrallë në SHBA), gjithçka mund të koklavitet edhe më tej për Hunter.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pajisja e parë në botë e epilepsisë ka reduktuar krizat e pacientit gjatë ditës me 80%
-
Asnjë gol në Grupin C: Anglia, Danimarka dhe Sllovenia kualifikohen, Serbia jashtë Euro 2024
-
Mëlçia e dhjamosur, rregullat për parandalimin dhe trajtimin
-
Evropianët nuk heqin dorë nga zakonet e tyre tradicionale të pijeve alkoolike
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj