![](https://albanianpost.com/wp-content/uploads/2022/09/politikani-serb.jpg)
Kryetari i Partisë Demokratike të Serbisë, Zoran Lutovac, ka deklaruar se presidenti serb, Aleksandër Vuçiç, mori mbështetjen e votuesve në platformën “nuk do ta japim Kosovën”, dhe më pas mbështeti platformën e Perëndimit “do ta njohim Kosovën e pavarur”.
Kështu, “ai në fakt e njohu Kosovën, por nuk do ta bëjë këtë zyrtarisht dhe nuk do t’ua pranojë qytetarëve të Serbisë që e ka njohur”.
Ai, duke folur, në seancën e Bordit Kryesor të Partisë Demokratike në Beograd, deklaroi se presidenti serb ka vendosur për 10 vjet duke shkelur Kushtetutën dhe ligjet dhe duke mbytur lirinë e fjalës dhe veprimin politik të opozitës, “dhe më pas ai kërkon mbështetjen e të gjithëve për një zgjidhje kompromisi për Kosovën”.
![](https://albanianpost.com/wp-content/uploads/2022/08/vuciccccccc.jpg)
Në të njëjtën kohë, theksoi Lutovac, vetë Vuçiç pranoi se nuk e dinte se çfarë ishte zgjidhja kompromisi.
Ai vlerësoi se konferenca për shtyp e Vuçiç-it më 27 gusht ishte shembull i “shkeljes multidisiplinare të Kushtetutës”.
Lutovac përkujtoi se Vuçiç i dha Anna Brnabiç-it mandatin për të formuar qeverinë e re dhe në të njëjtën kohë e kufizoi atë në dy vjet, gjë që shkeli parimin e ndarjes së pushteteve dhe më pas i pranoi dokumentet e Kosovës si të vlefshme në territorin e Serbisë.
Siç dihet, nga 1 shtatori, Serbia është pajtuar që të mos vazhdojë më të lëshojë letrat e bardha për hyrje dalje për shtetasit e Kosovës, si dokument shtesë për t’u futur në Serbi.
Njëjtë, letrën nuk do ta lëshojë as Kosova. Kjo ishte një zgjidhje kompromisi e mundësuar me ndërmjetësimin e Bashkimit Evropian, pas tensioneve të ngritura muajin e fundit, kur Kosova vendosi të aplikojë reciprocitet me Serbinë sa u përket letër njoftimeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
SHBA, 150 milionë dollarë ndihmë të re ushtarake për Ukrainën
-
Qeveria: Raportin për Banjën e kemi dorëzuar në BE qysh në vitin e kaluar