Departamenti amerikan i Drejtësisë merr urdhër për të kontrolluar telefonin e avokatit të Trump-it
Departamenti amerikan i drejtësisë ka marrë një urdhër për të kontrolluar telefonin e avokatit zgjedhor të Donald Trump, John Eastman.
Ky i fundit ka folur në një tubim përpara sulmit të 6 janarit në Capitol të Shteteve të Bashkuara të Amerikës.
Në qershor, agjentët federalë e sekuestruan telefonin e Eastman bazuar në një urdhër që i autorizonte ata të merrnin pajisjen. Por kishin nevojë për një urdhër të dytë për të kërkuar përmbajtjen e telefonit.
Në një dosje në gjykatën e New Mexico-s, ndihmësi i avokatit amerikan Thomas Windom ka thënë se gjykata për Distriktin e Kolumbisë ka lëshuar një urdhër kërkimi më 12 korrik.
Një urdhër që autorizonte rishikimin e përmbajtjes së telefonit dhe kapjen manuale të ekranit.
Sipas tij, agjentët federalë në Virginia-n veriore kishin telefonin dhe pamjet e ekranit të disa prej përmbajtjeve të tij.
Eastman ka qenë nën një vëzhgim intensiv në hetimet për sulmin në Capitol nga mbështetësit e Trump-it.
E gjitha pasi ish-presidenti ka pretenduar në mënyrë të rreme se ai kishte fituar zgjedhjet e vitit 2020. Eastman foli në tubimin ku Trump mbajti një fjalim të zjarrtë duke pretenduar mashtrime zgjedhore dhe duke u kërkuar mbështetësve të marshojnë në Capitol.
Regjistrimi i urdhrit është bërë në New Mexico pasi Eastman kishte ngritur më parë një padi atje duke kërkuar nga një gjykatës të urdhëronte departamentin e drejtësisë të kthente telefonin.
Këtë për të fshirë të dhënat dhe për të bllokuar hetuesit që të hynin në telefon.
Gjykatësi e ka mohuar atë kërkesë, por ka urdhëruar qeverinë të përditësojë gjykatën për vendndodhjen e telefonit dhe statusin e një urdhri të dytë kontrolli.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Laburistët fitojnë zgjedhjet paraprake të Blackpool South
-
Një mënyrë jetese e shëndetshme mund të kompensojë gjenetikën me 60% dhe t’i shtojë 5 vjet jetës, thotë studimi
-
Kosova tenton ta bindë BE-në për heqjen e masave ndëshkuese – nëpërmjet fotografive
-
Turqia ndalon tregtinë me Izraelin, derisa të ‘lejohet hyrja e pandërprerë e ndihmave në Gaza’
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
Si ‘gangsterët’ ballkanikë u bënë furnizuesit kryesorë të kokainës në Evropë
-
Lirimi nga burgu i themeluesit të Agimit të Artë zemëron antifashistët grekë
-
Kosova tenton ta bindë BE-në për heqjen e masave ndëshkuese – nëpërmjet fotografive