Drejtuesit e Manchester United prej fillimit të këtij afati kalimtar veror, kanë një objektivë të qartë dhe ajo është që ta transferojnë mesfushorin e Barcelonës, Frankie De Jong.
De Jong është një kërkesë e trajnerit të ri të United-it, Erik ten Hag, i cili u ka kërkuar drejtuesve të klubit që gjithsesi ta sjellin holandezin në skuadër.
“Djajtë e Kuq” janë të gatshëm të ofrojnë deri në 65 milionë funte për të plotësuar kërkesat e trajnerit të tyre, por Barcelona nuk është e bindur.
Sipas asaj që raportojnë mediat angleze, Barcelona kërkon që në marrëveshje të përfshihet edhe qendërmbrojtësi i tyre, Harry Maguirem si dhe një shumë e konsiderueshme e parave.
Kapiteni i Manchester United është kritikuar vazhdimisht për formën e dobët në sezonin e kaluar, mirëpo duket se ende vazhdon të ketë besimin e drejtuesve të cilët kanë refuzuar kërkesën e Barcelonës.
Pra te United kërkojnë transferimin e De Jong-ut, por ata nuk dëshirojnë të privohen nga kapiteni i tyre, për të cilin shpenzuan 87 milionë euro për ta transferuar nga Leicester-i në verën e vitit 2019.
Vlen të theksohet se 29 vjeçari është mbrojtësi që u shpenzuan më së shumti para në historinë e futbollit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit