Kryeministri i Kosovës, Albin Kurti, gjatë seancës së Kuvendit të Kosovës, ka theksuar se problemi nuk zgjidhet duke rrënuar sistemin pensional të Kosovës, kur ka folur për tërheqjen e mjeteve të Trustit.
“Pensioni është për pleqëri, jo për tani”, ka shtuar kryeqeveritari.
“Afër gjysma e kontribuueseve nuk do t’i tërhiqnin as 100 euro, ato tashmë janë ndarë nga ne, cili është kuptimi i rrënimit të sistemit pensional”, tha Kurti.
“Unë kam qenë shpeshherë kritik ndaj Fondit Monetar Ndërkombëtar, por kur edhe FMN-ja po thotë që është e keqe, dijeni që është e keqe”.
Madje, sipas tij, “po manipulohet me konceptin e varfërisë nga opozita, mjetet janë tonat”.
“Pensionistët janë goditur nga lëvizjet e çmimeve, prandaj përgjigjen e kemi gjetur me mbështetjen e tyre me nga 100 euro”.
“Nisma nuk është e rastësishme që ka ardhur nga një deputet i PDK-së, është dieletantizëm i jashtëzakonshëm. Nismëtari ka thënë se e gëzojnë mbështetjen edhe të Listës Serbe”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Perez shpreh drojën se Hungaria mund të votojë kundër Kosovës në çdo organizatë ndërkombëtare
-
Jasharaj thotë se Kurti “urdhëroi” Nagavcin mos t’i takojë sindikatat
-
Kosova në Këshill të Evropës dhe Rezoluta e OKB-së për Srebrenicën – Vukotiç: Përgjigje e Perëndimit ndaj mashtrimeve të Vuçiçit
-
Haxhiu: Anëtarësimi i Kosovës në Këshillin e Evropës hapë rrugë për adresimin e krimeve të luftës