Kryeministri i Maqedonisë së Veriut, Dimitar Kovaçevski, ka bërë të ditur se ka mirëpritur udhëheqësit e Ballkanit Perëndimor për samitin “Ballkani i Hapur”.
“Mirëprita miqtë e mi të dashur, udhëheqës nga Ballkani Perëndimor në Ohrin tonë të bukur. Ne e fillojmë samitin në një atmosferë miqësore dhe joformale”, ka shkruar ai në Facebook.
Kovaçesvski në vilën e presidencës në Ohër do të darkojë me kryeministrin shqiptar, Edi Rama, atë të Malit të Zi, Dritan Abazoviç si dhe presidentin e Serbisë, Aleksandër Vuçiç.
Në hapjen zyrtare të samitit të mërkurën, përveç liderëve ballkanas, do të flasin edhe komisioneri evropian për Zgjerimin, Oliver Varhelyi, dhe i dërguari i posaçëm i SHBA-ve për Ballkanin Perëndimor, Gabriel Escobar.
Siç është paralajmëruar, në Ohër do të nënshkruhet Marrëveshja për bashkëpunim në Ballkanin Perëndimor në fushën e njohjes reciproke të diplomave dhe vlerësimeve shkencore të lëshuara në institucionet e arsimit të lartë dhe institucione të tjera dhe një Memorandum mirëkuptimi për bashkëpunim në fushën e turizmit.
Gjithashtu, do të nënshkruhet një Memorandum Mirëkuptimi për bashkëpunimin kulturor në Ballkanin Perëndimor dhe një Memorandum Mirëkuptimi për bashkëpunimin e administratave tatimore në Ballkanin Perëndimor.
Qëllimi i nismës, siç është thënë nga nismëtarët e saj, është lehtësimi i jetës së qytetarëve të shteteve përkatëse dhe të përmirësimi i standardeve të jetesës.
Në samitin e Tiranës, në dhjetor 2021, u nënshkruan deri tani numri më i madh i dokumenteve për bashkëpunimin mes të tre vendeve.
Rama, Vuçiç dhe Zaev nënshkruan Marrëveshjen për Qasje të Lirë në tregun e Punës në Ballkanin Perëndimor, e cila mundëson futjen e një leje të vetme pune për të tre vendet dhe Marrëveshjen për lidhjen e sistemit elektronik të identifikimit të qytetarëve të Ballkanit të Hapur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Reporterët Pa Kufij”: Liria e shtypit në Shqipëri po kërcënohet nga politika
-
Laburistët fitojnë zgjedhjet paraprake të Blackpool South
-
Një mënyrë jetese e shëndetshme mund të kompensojë gjenetikën me 60% dhe t’i shtojë 5 vjet jetës, thotë studimi
-
Kosova tenton ta bindë BE-në për heqjen e masave ndëshkuese – nëpërmjet fotografive
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Lirimi nga burgu i themeluesit të Agimit të Artë zemëron antifashistët grekë
-
Kosova tenton ta bindë BE-në për heqjen e masave ndëshkuese – nëpërmjet fotografive