Të paktën 5 mijë e 94 shtetas të huaj – tifozë nga Italia dhe Holanda – me 2 mijë e 420 automjete bëhet me dije se kanë hyrë në territorin shqiptar, mëngjesin e 25 majit, nga pika kufitare në Morinë.
Tifozët kanë mbërritur në Shqipëri për të ndjekur finalen e Conference League, Roma-Feyenoord.
Nga ana tjetër, në Morinë kanë kaluar kufirin edhe shqiptarë të Kosovës, të cilët janë tifozë të skuadrës italiane të Romës.
Sakaq, mëngjesin e 25 majit kanë mbërritur në Durrës dy tragetë të linjës së Barit.
Sipas informacioneve paraprake, aty kanë zbarkuar 1 mijë e 100 pasagjerë të tifozëve Romës, të cilët kanë ardhur me linjën e tragetit Bari-Tiranë.
Gjithashtu pritet që me tragetin e Ankonës të vijnë edhe 214 udhëtarë.
Finalja e Conference League, Roma-Feyenoord do të luhet mbrëmjen e sotme, ora 21:00, në stadiumin “Air Albania”.
Ky stadium, me një kapacitet prej 22 mijë e 500 ulësesh, u zgjodh nga UEFA si vendi ku do të luhet finalja e madhe. Ndërkaq, Shqipëria do të mirëpresë mijëra tifozë italianë dhe holandezë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit