Policia e Shtetit, me urdhër të Prokurorisë së Posaçme (SPAK), në orët e para të 19 majit lëshoi 32 urdhërarreste për krime të rënda dhe krim të organizuar, nga të cilat janë ekzekutuar 18 masa.
Kjo u bë e ditur gjatë një konference të përbashkët për shtyp me kreun e SPAK-ut, Arben Kraja dhe drejtorin e Policisë së Shtetit, Gledis Nano.
Në fjalën e tij, Kraja shtoi se, si pasojë e hetimeve, janë zbuluar tetë grupe kriminale në qytete të ndryshme të Shqipërisë.
Nga ana tjetër, Nano theksoi se, përveç urdhërarresteve, janë kryer edhe kontrolle nëpër banesa.
Kreu i Policisë së Shtetit u shpreh se operacioni vijon ende dhe se priten arrestime të tjera.
Operacionin e SPAK-ut e ka përshëndetur edhe kryeministri i Shqipërisë, Edi Rama, përmes një statusi në Twitter.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit