Protestat e shkaktuara nga rritja e çmimeve të ushqimeve në Iran u përhapën në disa rajone dhe qytete të enjten në mbrëmje.
Kjo, ndërsa njerëzit brohorisnin slogane antiqeveritare dhe ndezën zjarre.
Lajmi u bë i ditur nga agjencitë vendase.
Protestat nisën fillimisht në provincën jugperëndimore të pasur me naftë Khuzestan.
Shkak u bë ndalimi i një subvencioni të rëndësishëm të importit nga autoritetet iraniane, duke rritur në mënyrë efektive çmimet e bukës dhe ushqimeve të tjera.
Por të enjten, trazirat u përhapën në pjesën më të madhe të Iranit perëndimor.
Raportimet e para dhe disa video tregojnë se oficerët përdorën forcën në disa raste kundër protestuesve paqësorë që marshonin në rrugë.
Në disa raste në videot e shpërndara nga qytetarët dëgjohet zhurma e gazit lotsjellës dhe armëve.
Protestuesit në Shahre-Kord bërtitën parulla kundër presidentit iranian Ebrahim Raisi dhe shprehën solidaritet me popullin e Khuzestan-it.
Ekspertët në Iran parashikuan trazira pasi çmimet u rritën papritur.
Disa kanë thënë se nëse nisin protestat mbarëkombëtare, ato do të jenë shumë më intensive se në nëntor të vitit 2019.
Kohë kur forcat e sigurisë u urdhëruan të qëllonin mbi protestuesit duke vrarë të paktën 1 mijë e 500 njerëz.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më