Ngozi Okonjo-Iweala është gruaja e parë, e njëkohësisht personi i parë nga Afrika që vihet në krye Organizatës Botërore të Tregtisë (OBT). Më herët, ajo ka shërbyer si Ministre e Financave në Nigeri, por edhe si drejtuese e agjencisë ndërkombëtare financiaro-vaksinuese GAVI.
E shkuara e saj që lidhet me financat, vaksinimin dhe njohjen e organizatave ndërkombëtare ka bërë që ajo të shihet si njeriu i duhur për këtë pozicion.
Okonjo-Iweala bën pjesë në fashën e profesionistëve që ia njohin potencialin OBT-së dhe që besojnë se nuk i ka ezauruar mundësitë që i ofron pozicioni.
Që prej ditës së emërimit ajo shpalosi qëllimin ambicioz që të stimulojë prodhimin e vaksinave duke lehtësuar barrierat tregtare mes shteteve për ushqimet dhe medikamentet.
OBT qëndroi në hije të skenës ndërkombëtare në fillimin e pandemisë. Megjithëse është një faktor kryesor rregullator i tregtisë globale, ata vazhduan t’i lejojnë shteteve ndalimin e tregtisë në kriza shëndeti.
Mbajtja e kësaj politike përforcoi debatet. Akuzat për fragmentizim të ekonomive në kohën kur duhet të ketë më shumë bashkëpunim e tregti të lirë, kanë vërshuar në drejtim të OBT-së.
Shtete anëtare që përfshijnë Singaporin dhe Zelandën e re kanë kërkuar nga organizata që të ulen kontrollet e eksporteve dhe pengesat për importe për produkte që lidhen me pandeminë.
Në këtë mënyrë duket se fitojnë të gjithë: në konsum, në akses në tregje si dhe siguri të produkteve. Vetë Znj. Okonjo-Iweala është e vendosur të forcojë mekanizmat monitoruese të OBT-së për lehtësimin e tregtisë.
Vullneti politik i shteteve anëtare do të vijojë të mbetet sfida më e madhe. Pandemia ka nxjerrë në pah problematika të shumta shumëplaneshe në botë, dhe OBT-ja nuk bën dallim. Teksa kritikat ndaj punës së saj kanë qëndruar prej kohësh, momentum-i i reformave mund të krijojë hapësirën për ndryshime strukturore.
Me udhëheqjen e re të një gruaje nga kontinenti afrikan, ndoshta ka ardhur momenti edhe për ndryshime të rregullave të tregtisë botërore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Universitetet në Francë të bllokuara nga demonstratat pro Palestinës
-
Turqia zyrtarizon ndalimin e tregtisë me Izraelin
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit