Zlatan Ibrahimovich ishte viktimë e fyerjeve me motive raciste. Episodi shumë i rëndë ndodhi mbrëmë, në tribunat stadiumit “Marakana” në Beograd, gjatë ndeshjes së Ligës së Evropës midis Cervena Zvezda dhe Milan [përfundoi 2-2]. Në internet qarkullon edhe një video që i lë pak vend imagjinatës dhe që portretizon sulmuesin e rossonerëve [kuqezinjtë] që dridhet me nervozizëm, por nuk përgjigjet.
Sot, përmes një njoftimi për shtyp, erdhën faljet e ekipit serb: “Cervena Zvezda dënon me forcë shprehjet fyese ndaj Zlatan Ibrahimovich. Si kompani kemi bërë gjithçka për të siguruar që organizimi i takimit të ishte në nivelin e dy ekipeve të shkëlqyer, dhe ne nuk do të lejojmë një primitiv të vetëm të hedhë njollë në mikpritjen tradicionale të vendit dhe popullit tonë. Kompania i kërkon falje në mënyrën më të sinqertë Zlatan Ibrahimovich për episodin e pakëndshëm”.
Veç kësaj, klubi serb, në bashkëpunim me organet kompetente, ka premtuar për të identifikuar dhe ndëshkuar “tifozin” përgjegjës për shkeljet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
