Përpjekjet për zgjidhjen e konfliktit Ukrainë-Rusi vijojnë të rrethojnë selitë diplomatike të shumë vendeve, por nga ajo ruse dhe drejtuesi i saj, Sergei Lavrov, një gjë është bërë e qartë: Nëse kërkesat e Moskës për sigurinë e saj kombëtare nuk plotësohet, “masa hakmarrëse” do të merren ndaj Perëndimit.
“Nëse nga Perëndimi do të vijojë kurse agresiv, Moska do të marrë masat e nevojshme hakmarrëse”, deklaroi Lavrov. “Nuk do të lejojmë që propozimi ynë të mbytet në diskutime e të harrohet”.
Dy kërkesat kryesore ruse, kanë të bëjnë drejtpërdrejtë me Ukrainën dhe vendet kufitare me shtetin siberian.
Së pari, nga Kremlini duan garanci se Kievi, nuk do të bëhet pjesë e NATO-s në një moment të dytë. Më pas, ata duan tërheqjen ushtarake të trupave të aleancës në vendet pranë kufijve rusë.
Mirëpo, diçka të tillë, e ka hedhur poshtë Sekretari i Përgjithshëm i NATO-s, Jens Stoltenberg, i cili në emër të 30 vendeve anëtare, shpalosi një letër të hapur me propozime, që ia ka vënë në dispozicion rusëve.
Në të, bëhet e qartë se ka një vullnet për ta zgjidhur çështjen politikisht e me dialog. Po ashtu, aty garantohet se kërkesat e Moskës do të dëgjohen. Mirëpo, mbi fatin e vendeve aleate dhe integrimin e tyre ose jo në struktura si NATO, vendosin vetë vendet dhe nuk mund të dëgjohen tekat ruse.
Pala e këtyre të fundit, ka në kufirin me Ukrainën rreth 100 mijë trupa të gatshëm për mësymje.
NATO nga ana tjetër, është e përgatitur po ashtu me lëvizjen e saj në rast konfliktimi direkt. Por, vetëm 5 mijë trupa janë të gatshëm të dalin në terren nëse lufta shpërthen sot.
Një grupim tjetër ushtarak, është po ashtu në gatishmëri.
Ndërsa zgjidhja e Perëndimit, kërkohet të jetë vetëm ajo nëpërmjet diplomacisë. Megjithatë, fryte nuk janë arritur në tryezat e fundit të mbajtura dhe situata po tensionohet sa vjen e më shumë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit