Si sot, më 26 janar 1926, u bë shpikja e mjetit të parë të komunikimit masiv – televizorit.
Shkencëtari skocez, John Logie Baird, ishte i pari që shpiku një kuti me figura lëvizese që ai e quajti “Tele-vision”.
Në versionin e parë ngjante më shumë me radion, vetëm se zëri shoqërohej me figurë.
Kutia që solli për herë të parë figurat lëvizëse në shtëpitë e njerëzve, në versionin e saj të parë eksperimental ngjante më shumë me radion, vetëm se zëri shoqërohej me figurën, që qartësohej duke rrotulluar një buton për “skanim elektronik”.
Ekrani ishte tmerrësisht i vogël, dy centimetra i gjatë dhe një centimetër i gjerë.
Në fillim aftësia për të transmetuar figurën larg ishte shumë e kufizuar.
96 vjet më parë, kur Baird ua tregoi të tjerëve shpikjen e tij, bashkëpunëtorja e tij ishte nga dhoma tjetër, përpara një lloj kamere, ndërsa pamja e saj shfaqej në ekranin e vogël të prototipit të televizorit.
Cilësia e pamjeve ishte në formë pikash dhe me luhatje, por u përmirësua përsëri nga Baird.
Në Shqipëri, televizori hyri për herë të parë në vitet 1960.
Vetëm familjet e privilegjuara politikisht ose me mundësi financiare, mund ta përballonin një aparat të tillë.
Drejtoria e Përgjithshme e Arkivave e ka ndarë këtë kuriozitet në faqen zyrtare në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit