Ish-kryeministri i Shqipërisë, Sali Berisha, ka deklaruar në një nga emisionet e mbrëmjes se mungesa e tij në punimet e seancës së parë plenare për vitin 2022 lidheshin me fjalën përshëndetëse të presidentit turk Recep Tayyip Erdogan.
“Mungova sot sepse gjykova që nuk duhet të isha i pranishëm në fjalën në Parlament të presidentit të Turqisë, Erdogan”, tha fillimisht Berisha.
Ish-lideri demokrat u shpreh se e respekton shumë Turqinë dhe kombin turk.
Ai iu kthye kontradiktave me presidentin Erdogan në vitet e fundit të qeverisjes së tij.
Asokohe, Berisha nuk ka pranuar të ndjekë apo të votojë në Organizatën e Kombeve të Bashkuara për rezoluta që binin në kundërshtim.
Ish-kryeministri mbronte qëndrimet që mbanin Shtetet e Bashkuara dhe “vendet e mëdha për çështjen e Palestinës”.
“Shqipëria është nga ato të pakta vende që ka një ambasadë të Palestinës prej vitesh, por asnjëherë nuk u vendos në diskutim prania e saj në Tiranë”, nënvizoi në vijim Berisha.
Ish-lideri demokrat sqaroi se rezoluta me të cilin u nda me Erdogan-in ishte “një përpjekje për të përjashtuar rolin e SHBA-ve në zgjidhjen e krizës në Lindjen e Mesme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”
