![](https://albanianpost.com/wp-content/uploads/2021/10/WhatsApp-Image-2021-10-28-at-12.20.10-1.jpeg)
Kryeministri i Shqipërisë, Edi Rama, të enjten e 28 tetorit në fjalën e tij gjatë seancës së radhës të Kuvendit, u ndal dhe te procesi i rindërtimit pas goditjes së tërmetit të 26 nëntorit 2019.
Nga foltorja e Kuvendit, ai deklaroi se, afatet e përcaktuara për rindërtimin e godinave të prishur nga tërmeti, “janë shtyrë nga pandemia COVID-19”.
Po ashtu, kreu i qeverisë theksoi faktin se kantieret kanë qenë të bllokuar po për këtë arsye.
Ndërsa ndaj akuzave të deputetit të opozitës për Qarkun e Durrësit, Ferdinand Xhaferaj, Kryeministri tha se shkollat e rindërtuara kanë standarde, kritere dhe preventiva, që sipas tij janë zhvilluar si proces ndërtimi me gara.
![](https://albanianpost.com/wp-content/uploads/2021/10/Xhaferaj.jpg)
Duke e pyetur Xhaferajn për burimin e këtyre akuzave, Rama tha se numri i shtëpive të rindërtuara do të rritet brenda fundit të këtij muaji.
Ndër të tjera, ai shprehu mirënjohjen ndaj partnerëve që kanë kontribuar në ringritjen e Shqipërisë.
Dy vite më parë, tërmeti i 26 nëntorit shkaktoi dëme të parikthyeshme, ku humbën jetën rreth 50 qytetarë dhe dhjetëra të tjerë mbetën të plagosur.
Gjithashtu pati dhe dëme materiale, shumë ndërtesa u shembën, disa të tjera u kthyen në të pabanueshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti, rekordmeni i takimeve me Vuçiç-in
-
3.3 milionë turistë hynë në Shqipëri deri në maj, rritje me 38% nga viti i shkuar
-
Zemërimi i Melonit për përjashtimin mund të rezultojë në abstenim në Këshillin Evropian
-
Konstituimi i Komisionit të Dezinformimit – Opozita jo uniformë, Doda dhe Mediu të pranishëm