Ndeshja mes Atletico Madrid-it dhe Liverpool-it ishte një ndër më interesantet e këtij sezoni.
Pesë gola, rikthime, kartona të kuq, kjo ndeshje ofroi gjithçka që një takim futbolli mund të ofrojë, madje edhe polemika në fund.
Trajneri i Atletico Madrid-it, Diego Simeone, u largua me nxitim nga fusha e lojës drejt dhomavë të zhveshjes, pa u përshëndetur fare me homologun e tij, Jurgen Klopp.
Kjo e nervozoi gjermanin, i cili reagoi keq pasi e pa që Simeone iku me nxitim.
Mirëpo, veprimin e tij Diego Simeone e arsyetoi në konferencën pas takimit.
“Unë e respektoj situatën gjithmonë, edhe kur jam i nervozuar”, filloi Simeone.
“Nuk kam ndonjë problem, por thjesht më ndodh shpesh të largohem shpejtë kur humbim dhe nuk jam i lumtur”.
“Nuk mund të largohesha nga kjo ndeshje i lumtur”, vazhdoi ai, “normalisht që nuk jam i lumtur”.
“Menjëherë pas ndeshjes që ke humbur, nuk ke dëshirë të përshëndetesh”, tha ai.
“Askush s’është i detyruar që të shtrëngojë duart, sidomos kur janë të nërvozuar”.
“E respektoj situatën, por kur humbas kam dëshirë të largohem menjëherë, Klopp vetëm qëndroi në fushë”.
Atletico dhe Liverpool-i përballen menjëherë pas dy javësh, tani në “Anfield”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen