Ekspertët e Kombeve të Bashkuara (OKB) e kanë cilësuar popullin e Sirisë si “të zymtë”, duke theksuar përshkallëzimin e konfliktit në disa zona të vendit.
Sipas OKB-së, vendi nuk është i sigurt që refugjatët të kthehen, pas një dekade lufte.
Këto raporte janë publikuar pas rritjes së nivelit të dhunës në veriperëndim, verilindje dhe jug të vendit, ku Komisionerët theksuan kthimin e rrethimit kundër popullsisë civile nga forcat pro-qeveritare.
“Palët në konflikt vazhdojnë të bëjnë krime lufte, krime kundër njerëzimit dhe shkelin të drejtat themelore të sirianëve”, tha kreu i Komisionit Hetimor, Paulo Pinheiro.
“Lufta kundër civilëve sirianë vazhdon dhe është e vështirë për ta të gjejnë siguri ose strehë të sigurt”.
Skandali i fëmijëve të Al Hol-it
Profesori Pinheiro gjithashtu e cilësoi si “skandaloze” faktin se mijëra fëmijë, jo-sirianë, të lindur nga ish-luftëtarët e Shtetit Islamik (IS) vazhdojnë të mbahen në paraburgim, në kushte të tmerrshme, në verilindje të Sirisë.
“Shumica e fëmijëve të huaj mbeten të privuar nga liria pasi vendet e tyre refuzojnë t’i riatdhesojnë ata”, u tha ai gazetarëve, në periferi të sesionit të 48-të të Këshillit të të Drejtave të Njeriut në Gjenevë.
“Ne kemi konventën më të ratifikuar në botë, Konventën për të Drejtat e Fëmijëve, është harruar plotësisht. Dhe shtetet demokratike që janë të gatshme t’i përmbahen kësaj Konvente, ata neglizhojnë detyrimet e kësaj Konvente në atë që po ndodh në Al Hol dhe kampet e tjera dhe vendet e burgut”.
Rreth 40 mijë fëmijë vazhdojnë të mbahen në kampe si ai i Al Hol. Gati gjysma prej tyre janë irakianë, të cilët disa vende refuzojnë t’i riatdhesojnë, sipas raportit të Komisionit Hetimor, i cili mbulon periudhën nga 1 korriku 2020 deri më 30 qershor 2021.
Bllokada dhe bombardime
Ekspertët e të drejtave dënuan gjithashtu rrethimin nga forcat pro-qeveritare në qytetin Dar’a Al-Balad, vendlindja e kryengritjes në 2011-ën, së bashku me “taktikat e rrethimit”, në provincat Quineitra dhe Rif Damask.
“Tre vjet pas vuajtjeve që Komisioni dokumentoi në Ghouta lindore, një tjetër tragjedi po shpaloset para syve tanë në Dar’a Al-Balad”, tha komisioneri Hanny Megally, në lidhje me rrethimin e Ghouta lindore që zgjati më shumë se pesë vjet.
Dhjetëra mijëra civilë të bllokuar brenda Dar’a Al-Balad nuk kishin qasje të mjaftueshme në shërbimet thelbësore si ushqim dhe kujdes shëndetësor, sipas Komisionerëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit