Pa Rafael Nadal, Roger Federer dhe Dominic Thiem.
US Open e këtij viti ka pasur shumë mungesa, por përsëri nuk ka dështuar që të dhuroj spektaklin e premtuar.
‘Grand Slam’ i fundit i këtij viti, tashmë është futur në fazën finale.
Janë përcaktuar gjysmëfinalet, të cilat do të përcaktojnë finalen e madhe të turneut amerikan.
Gjysmëfinalja e parë zhvillohet mes Novak Djokovic dhe Alexander Zverev.
Numri një i botës këtu erdhi pas mundi 3-1 me sete kundërshtarin të cilin e mposhti edhe në finalen e Wimbledon, italianin Matteo Berrettini.
Sa i përket numrit katër të botës, gjermanit Alexander Zverev, ai këtu erdhi pas fitores së pastër 3-0 me sete përballë afrikanojugorit Lloyd George Harris.
Ndeshja zhvillohet nesër më 10 shtator, derisa orari ende ka mbetur të përcaktohet.
Gjysmëfinalja e dytë është ajo mes Felix Auger-Aliassime dhe Daniil Medvedev.
Numri 12 i botës, kanadezi Aliassime këtu erdhi pas fitores 1-0 kundër spanjollit Carlos Alcaraz. Ky i fundit u detyrua të tërhiqej nga ndeshja për shkak të një lëndimi.
Në anën tjetër, Medvedev kishte një kundërshtar diçka më të lehtë në çerekfinale.
Ai mposhti holandezin Botic Van De Zandchulp 3-1 me sete.
Edhe kjo ndeshje zhvillohet nesër, me orarin që ka mbetur të përcaktohet.
US Open është futur në fazën finale, dhe tani trofeu më i vlefshëm për nga paratë në Tenis, është afër që të shpall kampionin e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen