Signal, aplikacion komunikimi në internet, ka nxjerrë një sërë shtesash të reja në versionin e fundit të aplikacionit për iOS (5.3.1) dhe për Android (5.3.7).
The Verge, faqe dedikuar të rejave teknologjike, shkruan se përditësimet e fundit të aplikacionit Signal janë në kuadër të popullarizimit të tij. Veçoritë shtesë përfshijnë sfondet e bisedave, animacionet dhe seksionin “About” në llogarinë personale të përdoruesit.
Për sa i përket sfondeve të bisedës, Signal ofron mundësinë e përzgjedhjes së një prej sfondeve të paracaktuara ose zgjedhja e një fotoje që gjendet në telefon. Gjithashtu, ekziston edhe mundësia e zgjedhjes së një sfondi të caktuar për një bisedë specifike.
Një përditësim i vlefshëm do të jetë për përdoruesit e telefonave iPhone, te të cilët do të mundësohet një cilësim i ri që do të uli përdorimin e të dhënave gjatë telefonatave. Kjo do të ndalojë automatikisht shkarkimin e bashkangjitjeve gjatë thirrjeve.
Signal ka qenë prej kohësh një alternativë e papopullarizuar e dërgimit të mesazheve nëpërmjet internetit për përdoruesit që fokusohen te ruajtja e sigurisë së komunikimeve të tyre.
The Verge, shton se aplikacioni Signal pësoi një rritje nga rekomandimi i bërë nga CEO i Tesla-s, Elon Musk.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin