Hetuesit italianë janë duke hetuar edhe pistën e vetëvrasjes mbi zhdukjen e Davide Pecorelli-t.
Një grup ekspertësh erdhën në Shqipëri më 27 janar, ku të shoqëruar nga Drejtori i Policisë Kriminale, Tonin Vocaj, shkuan në Pukë për të parë automjetin e djegur dhe për të zbuluar shkaqet e zjarrit.
Hetuesit italianë nuk kanë përjashtuar as mundësinë e një grabitjeje me pasojë vdekjen. Nga një ekzaminim i telefonit të Pecorelli-t doli se nuk kishte kishte biseda apo mesazhe kërcënuese në drejtim të tij.
Mediat italiane shkruajnë se hipoteza e një ngjarjeje aksidentale, që u ngrit fillimisht nga hetuesit, duket se nuk qëndron.
Ndërkohë pritet edhe rezultati i analizave të ADN-së për të vërtetuar se trupi që u gjet i djegur në automjet, i përket Pecorellit.
Pas inspektimit teknik, u zhvillua një takim i mëtejshëm midis dy delegacioneve, për të krahasuar elementët e ndryshëm që dolën.
Bëjmë me dije se nga shtatori deri në janar, sipërmarrësi ka qenë në Shqipëri pesë herë. Katër herë në 2020-n dhe një herë në 2021-n. Hera e fundit ishte në 3 janar 2021, përmes aeroportit të Rinasit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit