Ambasadorja e Shteteve të Bashkuara të Amerikës në Shqipëri, Yuri Kim, ka përshëndetur emërimin e gjyqtarit të nëntë në Gjykatën e Lartë, të premten e 30 korrikut.
“Faleminderit edhe një herë Këshillit të Lartë Gjyqësor dhe Presidencës. Mbetet për t’u caktuar edhe një gjyqtar në mënyrë që Gjykata e Lartë të caktojë gjyqtarë për Kushtetuesen”, shkruan Kim në median sociale Twitter.
Më tej ajo shton se duhet të vazhdojmë të ecim përpara, “hap pas hapi”, në mënyrë që reforma në drejtësi të japë më shumë rezultate dhe Shqipëria të qëndrojë në rrugën drejt Evropës.
9th judge has been appointed to High Ct today. Thanks once again to High Judicial Council & Presidency. One more to go so High Ct can appoint judges to Const Ct. Let’s keep moving forward, step by step, so that justice reform can deliver more results & 🇦🇱 stays on path to 🇪🇺. https://t.co/mQzqSrNbzJ
— Ambassador Yuri Kim (@USAmbAlbania) July 30, 2021
Gjatë kësaj dite presidenti i Republikës së Shqipërisë, Ilir Meta, dekretoi emërimin e anëtarit të nëntë të Gjykatës së Lartë.
U bë me dije se Asim Vokshi do të ishte gjyqtari i nëntë i Gjykatës, nga 19 anëtarë që duhet të jenë gjithsej.
Vokshi u përzgjodh nga Këshilli i Lartë i Gjyqësorit përmes procedurave të ngritjes në detyrë nga radhët e gjyqësorit.
Meta pasi mori propozimin e përcjellë nga ky organ, vendosi që të dekretojë në detyrë Vokshin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia e Shtetit duhet të rrisë rezultatet dhe besimin e publikut, thotë Balla
-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
-
Presidenti Begaj shpallet ‘Qytetar Nderi’ i arbëreshëve të Kalabrisë
-
Drejtorët e Bashkisë Tiranë mbeten në burg, Apeli ia rrëzon kërkesën për lirim