Këshilli Evropian (KE), nëpërmjet një komunikimi për shtyp, ka shpallur të premten e 18 qershorit listën e vendeve – mes tyre dhe Shqipëria – ndaj të cilave janë hequr kufizimet e udhëtimit.
Pas rishikimit të KE-së, nën rekomandimin e Bashkimit Evropian (BE) për heqjen graduale të kufizimeve për udhëtimet, Këshilli përditësoi listën e vendeve, që përfitojnë prej saj.
Kjo listë do të vazhdojë të rishikohet çdo dy javë dhe, sipas rastit, do të përditësohet.
Që nga 18 qershori 2021, vendet anëtare duhet të heqin gradualisht kufizimet e udhëtimit në kufijtë e jashtëm për shtetasit shqiptarë.
Gjithashtu kufizimet e udhëtimit do të hiqen gradualisht për rajonet e veçanta administrative të Kinës, Hong Kong-ut dhe Makao-s.
Kriteret, sipas të cilave u përcaktua vendimi për këto vende, janë se ato mbulojnë situatën epidemiologjike dhe reagimin e përgjithshëm ndaj COVID-19.
Si dhe besueshmërinë e burimeve të informacionit dhe të dhënave në dispozicion.
Si dhe besueshmërinë e burimeve të informacionit dhe të dhënave në dispozicion.
Vendet e lidhura me Shengen (Islanda, Lichtenstein, Norvegjia, Zvicra) gjithashtu marrin pjesë në këtë rekomandim.
Reagimi i ministres Xhaçka
Ministrja për Evropën dhe Punët e Jashtme, Olta Xhaçka, përshëndeti vendimin e Këshillit Evropian për ta shpallur Shqipërinë si “vend të sigurt”, për të lëvizur drejt vendeve të BE-së.
“Tashmë, qytetarët shqiptarë mund të udhëtojnë drejt vendeve të BE-së, sipas të njëjtit regjim me qytetarët evropianë”, shkruan Xhaçka në Twitter.
Finally, a long awaited decision, after weeks of work and efforts: the
Abanian citizens can travel in the #EU under the same regime as 🇪🇺citizens. A great development that recognizes 🇦🇱’s success in battling #COVID19.
👉 https://t.co/wakTrJg3v4— Olta Xhaçka🇦🇱 (@xhacka_olta) June 18, 2021
Më tej, ministrja e sheh këtë vendim si “një zhvillim të rëndësishëm, i cili njeh arritjet e Shqipërisë në luftën kundër COVID”.
Nga ana tjetër, Xhaçka paralajmëroi se vendet anëtare kanë protokolle specifike përtej këtij vendimi “ndaj duhet të lexoni informacionet e përditësuara rast pas rasti”.
Ambasadori i BE-së, Luigi Soreca
Ndërkaq, Ambasadori i BE-së në Shqipëri, Luigi Soreca, e ka konsideruar një lajm të shkëlqyer heqjen e kufizimeve nga KE-ja. Kjo, në prag të sezonit turistik.
Great news for Albanian🇦🇱citizens at the beginning of the touristic season!! The @EUCouncil🇪🇺has today officially recommended to lift the temporary travel restrictions for residents of #Albania🇦🇱!
Read the press release👇for more information: https://t.co/r55lIRm2Tu
— Luigi Soreca🇪🇺 (@LSorecaEU) June 18, 2021
“Bashkimi Evropian rekomandoi sot zyrtarisht heqjen e kufizimeve të përkohshme të udhëtimit për qytetarët e Shqipërisë”, shkruan Soreca në Twitter.
BE-ja
Të mërkurën e 16 qershorit, shtetet anëtare të Bashkimit Evropian (BE) u dakordësuan për të hequr kufizimet e udhëtimit për tetë shtete. Mes tyre gjenden edhe tre shtete nga Ballkani Perëndimor: Shqipëria, Serbia dhe Maqedonia e Veriut.
Këshilli i BE-së në maj hoqi zyrtarisht kufizimet për shtetasit e vendeve të treta, të cilat janë vaksinuar me dy dozat kundër COVID-19.
Pavarësisht se ky vendim prekte dhe vendet e Ballkanit Perëndimor, fjala e fundit u takonte vendeve pritëse nëse i lejonin këta udhëtarë të kalonin apo jo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE