Fastly, kompania e shërbimeve të shpërndarjes së përmbajtjeve, i ka hedhur fajet e ndërprerjes së madhe të internetit të së martës së tetë qershorit që goditi shumë uebfaqe të profilit të lartë, mbi një defekt në program.
Agjencia e lajmeve, BBC, tregon se kompania përgjegjëse për rënien e uebfaqeve ka deklaruar menjëherë se problemi ishte shkaktuar kur një nga klientët e saj kishte ndryshuar cilësimet e tyre.
Kjo situatë e ndërprerjes ka ngritur pikëpyetje në lidhje me mbështetjen në një pjesë të vogël të kompanive për të drejtuar infrastrukturën e gjerë që mbështet internetin.
Fastly ka kërkuar falje dhe ka thënë se problemi i shkaktuar duhet të ishte parashikuar.
Për sa i përket ndërprerjes, ajo zgjati afro një orë duke goditur disa nga uebfaqet më të njohura si Amazon-i, Reddit-i, The Guardian dhe New York Times.
Nick Rockwell, ekzekutivi i lartë i inxhinierisë në Fastly, është shprehur se “kjo ndërprerje ishte e gjerë dhe e rëndë dhe ne vërtet na vjen keq për ndikimin tek klientët tanë dhe për të gjithë ata që mbështeten tek ata”.
Fastly operon server-a në pika strategjike në të gjithë botën për të ndihmuar klientët të lëvizin dhe ruajnë përmbajtje afër përdoruesve të tyre përfundimtar.
Mirëpo, një ndryshim i cilësimeve nga një klient nxori në pah një të metë në një azhurnim software-ësh të lëshuar për klientët në mes të muajit maj.
Kjo bëri që “85 për qind e rrjetit tonë të kthente gabime”, ka deklaruar Fastly.
Sipas kompanisë, inxhinierët e studiuan shkakun e problemit afro 40 minuta pasi faqet e internetit kishin dalë jashtë linje.
“Brenda 49 minutash, 95 për qind e rrjetit tonë po funksiononte normalisht”, deklaroi Fastly.
Në të gjithë rrjetin e vet, kompania ka vendosur një rregullim të defekteve dhe ka premtuar “një post mortem të proceseve dhe praktikave që ndoqëm gjatë këtij incidenti” dhe “të kuptojë pse nuk i zbuluam defektet gjatë sigurimit të cilësisë së software-it dhe proceseve të testimit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Publikohen rezultatet e para: “Fronti Evropian” në avantazh ndaj “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
A do jap Taravari dorëheqje ashtu siç premtoi para zgjedhjeve?