Syzet Lenovo ThinkReality A3 nëpërmjet realitetit të shtuar mund të projektojnë deri në pesë shfaqje virtuale.
New Atlas, agjensi e lajmeve dedikuar shkencës dhe teknologjisë, njofton se syzet ThinkReality A3 do të vijnë në dy modele në varësi të asaj që dëshiron përdoruesi. Për sa i përket edicionit PC, do të përfshihen në një kompjuter desktop ose laptop përmes një USB-C. Kjo mundëson vendosjen deri në pesë monitor virtual në fushën e shikimit.
Modeli i dytë, ai industrial, është projektuar për t’u lidhur me telefonat e markës Motorola. Ky variant i lëvizshëm ndihmon vizualizimin e informacionit nëpër organizata dhe fabrika për të trajnuar stafin e ri apo për të përçuar të dhëna të réndësishme te stafi aktual.
Lehtësia e pajisjes teknologjike ThinkReality A3 është te lejimi i përdoruesit për të paraqitur hapësira të mëdha pune në mungesë të ekraneve gjigante nga çdo vend i mundshëm.
“Aty ku realiteti virtual e çon një përdorues në një botë plotësisht artificiale, realiteti i shtuar funksionon duke mbivendosur imazhet virtuale mbi botën reale”, shpjegon New Atlas./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog