Një ish-oficer i policisë britanike është dënuar me të paktën 30 vjet burg për përdhunimin dhe sulmin seksual ndaj 48 grave gjatë një periudhe 17-vjeçare.
David Carrick, i cili punoi si oficer i armatosur në forcën e Policisë Metropolitane të Londrës, u paraqit në bankën e të akuzuarve të Gjykatës së Kurorës Southwark, ndërsa u dënua me një dënim minimal prej 32 vjetësh – minus kohën që ai ka kaluar tashmë në paraburgim.
Në Mbretërinë e Bashkuar, të dënuarit me burgim të përjetshëm duhet të vuajnë një afat minimal dhe do të lirohen vetëm nëse nuk konsiderohen më si rrezik për publikun.
Sulmet e tij ndodhën midis viteve 2003 dhe 2020 dhe u kryen ndërsa shërbente në komandën parlamentare dhe diplomatike, duke ruajtur Parlamentin e Mbretërisë së Bashkuar, rezidencën e kryeministrit dhe ambasadat e huaja.
Rasti i Carrick ka ngritur presion të mëtejshëm mbi forcën më të madhe të policisë në Mbretërinë e Bashkuar.
Disa nga viktimat e Carrick dhanë deklarata me shkrim në gjykatë, duke thënë se nuk i besonin më policisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më
