Më shumë se 200 emigrantë nga Afrika nën-Sahariane mbërritën të enjten e 22 prillit në gardhin e lartë që shënon kufirin mes Spanjës dhe Marokut.
Autoritetet spanjolle thanë se kjo përbën një nga mbërritjet më të mëdha në vitet e fundit.
Në total, më shumë se 300 njerëz u përpoqën të kalonin gardhin e trefishtë metalik, pak para orës 7 të mëngjesit.
Pamjet, e publikuara nga media lokale “Onda Cero”, tregojnë disa nga emigrantët duke brohoritur në rrugë pasi hynë me sukses në territorin spanjoll.
Los inmigrantes han logrado entrar en Melilla en torno a las 6.45 horas, por un tramo próximo a Barrio Chino, para adentrarse en grupo en la ciudad y dirigirse al CETI pic.twitter.com/EF1VDUUP5C
— Onda Cero Melilla (@ondaceromelilla) July 22, 2021
“Tre policë u plagosën lehtë dhe emigrantët u transferuan në një kamp qëndrimi, ku ata do të rrinë në karantinë për shkak të situatës shëndetësore”, tha në një deklaratë zëdhënësja e policisë spanjolle.
Kjo ndërhyrje vjen pas një vale emigrimi në enklavën tjetër spanjolle në Marokun verior, Ceuta, e cila u mbingarkua në mes të majit nga ardhja e papritur e më shumë se 10 mijë emigrantëve.
Shumica dërrmuese e tyre ishin të rinj marokenë dhe adoleshentë.
Kjo valë e jashtëzakonshme migratore pas një krize diplomatike midis Madridit dhe Rabat-it zyrtar.
Kriza vjen pas strehimit që i bëri Spanja, Brahim Ghalit, udhëheqësit të Frontit Polisario për pavarësinë e Saharasë Perëndimore.
Si një ish-koloni spanjolle, rajoni është pushtuar nga Maroku, ku Washington-i ka pranuar sovranitetin e Marokut mbi Saharanë Perëndimore.
Ghali u largua nga Spanja në fillim të qershorit për në Algjeri, por marrëdhëniet midis Madridit dhe Rabat-it mbeten të tensionuara.
Melilla dhe Ceuta, kufijtë e vetëm tokësorë të Bashkimit Evropian me Afrikën, kanë qenë nën presion të rëndë migrues për vite me radhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com