2 milionë refugjatë, Polonia përgatitet për përgjigje maratonë

Në fazat e hershme të pushtimit rus të Ukrainës, shumica e ukrainasve që ikën nga lufta shkuan për të qëndruar me familjen dhe miqtë që tashmë jetonin në Poloni. Me kalimin e kohës, përqindja e refugjatëve që nuk kanë ku të qëndrojnë është rritur.

Numri i refugjatëve që ikën nga Ukraina për në Poloni tani ka arritur në 2 milionë dhe të paktën 1.1 milionë prej tyre kanë qëndruar. Dhe megjithëse mijëra polakë kanë hapur shtëpitë e tyre për ta, qytetet e mëdha polake, përfshirë Varshavën dhe Krakovën, që po tërheqin më shumë, thonë se kanë arritur kapacitetin e tyre për t’i akomoduar ata.

Qendrat e përkohshme të akomodimit të ngritura në sallat sportive dhe qendrat e konferencave në të gjithë vendin janë krijuar për t’u kujdesur për njerëzit vetëm për disa ditë. Autoritetet duhet urgjentisht të vënë në dispozicion banesa që mund të strehojnë refugjatët për disa muaj. Si qeveria ashtu edhe presidenti Andrzej Duda po bëjnë thirrje për ndihmë më të madhe ndërkombëtare, duke ditur se përgjigja ndaj krizës nuk do të jetë afashkurtër, por afatgjatë.

Ka ende një mbështetje të gjerë në të gjithë spektrin politik për refugjatët. Vetëm partia e vogël e ekstremit të djathtë Konfederatë po ankohet për ukrainasit që marrin përfitime që polakët nuk i marrin, të tilla si udhëtimi falas në trena. Gazetarët bojkotuan me neveri konferencën e tyre më të fundit për shtyp.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.