Dhjetë persona kanë vdekur, pasi dy helikopterë të Marinës u përplasën në ajër gjatë një sërë provash ushtarake për një paradë të Marinës Mbretërore të Malajzisë.
Njëri prej helikopterëve preu rotorin e tjetrit përpara se të dy të përplaseshin në tokë, tregojnë pamjet e publikuara në mediat lokale.
Incidenti ndodhi në orën 09:30 me atë vendore në qytetin Malajzian Lumut, i cili është shtëpia e një baze marine.
Nuk dihet ende nëse ka të mbijetuar.
“Të gjitha viktimat u konfirmuan të vdekur në vend dhe eshtrat u dërguan në Spitalin Ushtarak [Lumut] për identifikim,” tha Marina Mbretërore Malajziane.
Njoftimi shtoi se do të formojë një komision për të hetuar shkakun e incidentit.
Një nga helikopterët, një HOM M503-3 me shtatë persona në bord, besohet se është rrëzuar në një pistë vrapimi.
Tjetri, një Fennec M502-6 që mbante tre viktimat e tjera, u përplas në një pishinë aty pranë.
Departamenti i Zjarrfikësve dhe Shpëtimit të shtetit tha se ishte alarmuar për incidentin në orën 09:50 me kohën lokale.
Në mars, një helikopter i rojës bregdetare të Malajzisë u rrëzua në det pranë ishullit Angsa të Malajzisë gjatë një fluturimi stërvitor.
Piloti, bashkë-piloti dhe dy pasagjerët në bord u gjetën dhe u shpëtuan nga peshkatarët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA