Në fjalimin e mbajtur më 6 janar, përpara ligjvënësve amerikanë, presidenti i Shteteve të Bashkuara të Amerikës, Joe Biden, ka kritikuar turmën e dhunshme të mbështetësve të ish-presidentit, Donald Trump, për ngjarjet e ndodhura një vit më parë në Capitol.
Sipas tij, në atë ditë demokracia u sulmua dhe u bëri thirrje amerikanëve që të sigurojnë që një sulm i tillë “të mos ndodhë kurrë më”.
Biden akuzoi në mënyrë të drejtpërdrejt Trump-in, për të cilin tha se nuk mund ta pranonte humbjen dhe “krijoi e përhapi një rrjet gënjeshtrash për zgjedhjet e 2020-ës”.
Drejtuesit e Dhomës Demokratike kanë planifikuar një ditë të plotë aktivitetesh përkujtimore, duke përfshirë dëshmi nga ligjvënësit, komente nga historianët dhe një përkujtimore..
Udhëheqësit republikanë – deri më tani – nuk planifikojnë të marrin pjesë.
Kryengritja e 6 janarit 2021 çoi në pesë të vdekur dhe plagosi rreth 140 anëtarë të forcave të rendit.
I pyetur pse nuk e përmendi Trump-in me emër në fjalimin e tij në Capitol, Biden tha se kjo ndodhi sepse ai “nuk donte ta kthente atë në një betejë politike bashkëkohore midis tij” dhe ish-presidentit.
Nga ana tjetër, Trump po planifikon të mbajë një tubim në Arizona javën e ardhshme.
Ish-presidenti sulmoi komitetin e Dhomës së Përfaqësuesve që po heton kryengritjen e 6 janarit.
Në një deklaratë, Trump tha se po e anulonte konferencën “në dritën e njëanshmërisë dhe pandershmërisë totale të Komitetit të Pazgjedhur të Demokratëve të 6 janarit, dy republikanëve të dështuar dhe medias së lajmeve të rreme”.
Në vend të kësaj, do ta trajtonte çështjen në një tubim më 15 janar.
Trazirat janë përshkruar si sulmi më i keq në Capitol që nga Lufta e vitit 1812. Ky nuk është i vetmi sulm i tillë që nga ajo epokë.
Në vitin 1983 një grup komunist i udhëhequr nga gra bombardoi Senatin e SHBA-ve. Askush nuk u lëndua.
Një prej të pandehurve në atë sulm iu zbut dënimi në një rast tjetër nga Presidenti i SHBA-ve, asokohe, Bill Clinton.
Në Capitol, më 6 janar, pesë persona humbën jetën gjatë protestave masive në Washington.
Përtej përpjekjes për të ndaluar certifikimin, Joe Biden u shpall zyrtarisht President i SHBA-ve
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA