Të premten e 19 nëntorit është raportuar se një 28-vjeçar nga Kolonja ka humbur kontaktet me familjen e tij.
Denoncimin në polici e ka bërë babai i Sherif Mukajt, më 10 nëntor, ku ka deklaruar se hera fundit që ka kontaktuar me të birin ka qenë data 1 nëntor.
I ati i Mukajt jeton në Shtetet e Bashkuara të Amerikës dhe ka ardhur në Shqipëri për të mësuar rreth zhdukjes së të birit.
Sipas tij Sherif Mukaj është larguar nga banesa e tij në fshatin Starje në Kolonjë duke lënë aty aparatin celular, kartë identiteti dhe makinën.
Për mediat ai ka deklaruar se mjetet e gjetura në banesë i janë dorëzuar Prokurorisë dhe ka kërkuar që të zbulohet se me kë ka kontaktuar herën e fundit i biri.
Ndër të tjera ai ka treguar se i biri nuk vuan nga asnjë sëmundje që ka lidhje me shëndetin mendor apo ndonjë problem ekonomik, konflikte a borxhe.
Deri më 5 nëntor, vijon ai, zilja në telefonin e tij shkonte, por asnjëherë nuk përgjigjej.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla