President i Serbisë, Aleksandër Vuçiç, është takuar me ambasadorin e Rusisë, Aleksandër Botsan-Kharchenko, me të cilin ka biseduar për situatën në Ukrainë, shkruan Tanjug.
“Serbia gjithmonë do të udhëhiqet nga interesat e saj jetike politike dhe ekonomike dhe do të angazhohet për ruajtjen e paqes dhe stabilitetit”, tha Vuçiç.
Vuçiç shtoi se Serbia është duke i monitoruar me kujdes ndryshimet në planin gjeopolitik, duke theksuar se sfidat, për shkak të ngjarjeve në Evropën Lindore, janë në rritje.
Më 2 mars, kreu i shtetit serb është shprehur i shqetësuar pas pushtimit të Ukrainës nga Rusia, duke e quajtur situatën tejet të vështirë për të dhe shtetin e tij, ndërkohë që ka theksuar se ky është vetëm fillimi i presionit mbi Serbinë për t’u rreshtuar me Perëndimin kundër Rusisë.
Vuçiç ka paralajmëruar edhe përgatitjen e disa kurtheve, siç e quan ai, për Serbinë, pasi që Kosova po kërkon anëtarësimin në NATO.
“Pres që në periudhën e ardhshme të ketë disa kurthe për Serbinë. E patë që shqiptarët aplikuan për anëtarësim në NATO, e patë që morën mbështetjen e një forcë si Turqia”, ka thënë Vuçiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit