Millosh Vuçeviç, kryetar i Partisë Progresive Serbe (SNS), është mandatuar nga Presidenti i Serbisë, Aleksandër Vuçiç, për të formuar qeverinë e re serbe, pas zgjedhjeve të 17 dhjetorit.
Lajmi u bë i ditur nga vetë Vuçiç, përmes një postimi në Facebook.
“I propozoj Kuvendit Kombëtar të Republikës së Serbisë Millosh Vuçeviç-in kandidat për Kryeministër të Republikës së Serbisë”, ka shkruar Vuçiç.
Në këtë pozitë, Vuçeviç do ta pasojë Ana Brnabiç-in, e cila ka kaluar në postin e kryetares së Kuvendit të Serbisë.
Deri më tani ai ka mbajtur postin e Ministrit të Mbrojtjes dhe Zëvendëskryeministrit të Serbisë, e më parë ka qenë kryetar i Novi Sadit.
Ai pasoi Vuçiç-in në postin e presidentit të SNS-së dhe në atë post u zgjodh në maj të vitit të kaluar.
Vuçeviç është një nga njerëzit më besnikë të Vuçiç-it.
Ai është anëtar i Partisë Progresive Serbe që nga themelimi i saj dhe në vitin 2011 u bë kryetar i komitetit të Novi Sadit dhe një vit më vonë u zgjodh kryetar i komunës së Novi Sadit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
-
Franca vlerëson se 150 mijë ushtarë rusë janë vrarë në luftën në Ukrainë
