Kryetari i Partisë Progresive Serbe (SNS), Millosh Vuçeviç, në një paraqitje në televizionin “Pink” të hënën, ka pretenduar se synimi i kryeministrit të Kosovës, Albin Kurti, është ta çojë Serbinë në luftë me NATO-n, derisa ka shtuar se situata aktuale në Serbi dhe rajon është sfiduese.
“Kërcënimi më i madh është synimi i Kurtit për të dëbuar të gjithë serbët nga Kosova. Një rrezik tjetër me të cilin përballemi është synimi i Kurtit për të na çuar në një luftë të re kundër aleancës së NATO-s. Ne nuk do të biem në kurth. Ne do ta ruajmë paqen dhe stabilitetin”, ka theksuar Vuçeviç.
Presidenti i Serbisë, Aleksandër Vuçiçi, në një intervistë për “TV Prva” të dielën, ka thënë se pret që “presioni më i madh” në dialogun për normalizimin e marrëdhënieve Kosovë-Serbi t’i bëhet në janar dhe shkurt të vitit 2024, kur do të fillojë fushata zgjedhore për Parlamentin Evropian (PE).
Situata e rënduar e sigurisë në Ballkanin Perëndimor nën dritën e kërcënimeve ruse dhe rrjedha e tensionuar në marrëdhëniet ndërmjet Kosovës dhe Serbisë, posaçërisht pas sulmit të armatosur të paramilitarëve serbë në Banjë të Zveçanit – komunë e banuar me shumicë serbe – në pjesën veriore të Kosovës, pritet të jenë ndër temat kryesore edhe në vitin 2024.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
