Rreth tre mijë punonjës shëndetësor janë vaksinuar me vaksinën anti-COVID në Kosovë.
Këtë e ka bërë të ditur zëdhënësi i Ministrisë së Shëndetësisë, Faik Hoti, në një konferencë për media.
“Nëse i referohemi shifrave të përgjithshme që nga fillimi e deri më tani, jemi duke iu përafruar shifrës prej tre mijë të vaksinuarve kryesisht nëpunës të institucioneve shëndetësore publike”, ka thënë Hoti.
Në mesin e të vaksinuarve janë edhe personeli shëndetësor i Policisë së Kosovës. Kurse vaksinimi i personave të moshës mbi 80 vjeç, pritet të fillojë nga fundi i kësaj jave.
“Nga fundi i javës, ne presim që të fillojë vaksinimi i grup moshës mbi 80 vjeçare, në mënyrë që ky proces përveç personelit shëndetësor të përfshijë edhe grupet e tjera të cilat gjithashtu janë të targetuara si grupe të riskut”, shtoi Hoti.
Tutje ai ka treguar se të martën me gjashtë prill, pritet të fillojë vaksinimi i stafit mjekësor të Forcës së Sigurisë së Kosovës.
“Gjatë kësaj kohe janë vaksinuar pjesa e shërbimit shëndetësor që funksionon në kuadër të Policisë së Kosovës ndërsa presim që nesër të vaksinohen edhe shërbimet shëndetësore që veprojnë në kuadër të FSK-së”, tha ai.
Ndërkohë, sipas statistikave të Institutit Kombëtar i Shëndetit Publik të Kosovës, numri total i rasteve pozitive në Kosovë është 94 mijë e 167 ku 14 mijë e 284 mbesin raste aktive.
Ndërsa të hënën e 28 marsit, në Kosovë ka arritur kontingjenti i parë i vaksinave kundër Coronavirusit, nga kompania AstraZeneca që janë siguruar përmes programit “COVAX”, mundësuar nga Fondi i Emergjencës i Kombeve të Bashkuara për Fëmijët (UNICEF).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
KPMShCK e ktheu në punë, Ministria e largon përsëri
-
Erdogan heq çdo dyshim: Kemi ndaluar tregtinë me Izraelin
-
Qendra për Mbrojtjen e Grave në vështirësi të mëdha financiare – gratë që ikin nga burrat dhunues shpejt mund ta humbin edhe këtë strehë shpëtimi
-
Niger, trupa ruse hyjnë në bazën ku ndodheshin trupat amerikane
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Presidenti Begaj shpallet ‘Qytetar Nderi’ i arbëreshëve të Kalabrisë
-
Niger, trupa ruse hyjnë në bazën ku ndodheshin trupat amerikane
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu