Shtetet e Bashkuara të Amerikës kanë diskutuar joformalisht me Turqinë mundësinë e transferimit të sistemeve raketore anti-ajrore ruse S-400 në Ukrainë.
Kjo, për të ndihmuar shtetin lindor që të mbrohet nga trupat pushtuese ruse.
Lajmi është raportuar nga agjencia e lajmeve “Reuters”, e cila citon tre burime të informuara.
Gjatë tre javëve të fundit, zyrtarët amerikanë kanë diskutuar propozimin me homologët e tyre turq.
Burimet e “Reuters”, zbulojnë sakaq se asnjë kërkesë zyrtare nuk është marrë ende.
Sipas tyre, çështja e dërgesave të mundshme të sistemeve ruse të mbrojtjes ajrore në Ukrainë u diskutua gjatë një vizite në Turqi të zëvendës sekretares amerikane të shtetit, Wendy Sherman.
Administrata Biden u ka kërkuar aleatëve që përdorin pajisje dhe sisteme ushtarake ruse, duke përfshirë S-300 dhe S-400, t’i dorëzojnë ato në Ukrainë.
Autoritetet turke nuk kanë komentuar ende negociatat e mundshme për furnizimin e sistemeve ruse të mbrojtjes raketore.
Turqia dhe Rusia nënshkruan një kontratë për furnizimin e sistemeve S-400 në vlerë prej 2.5 miliardë dollarë në vitin 2017.
Washington-i, në përgjigje të blerjes së katër batalioneve S-400 nga Ankaraja, e përjashtoi Turqinë nga lista e partnerëve në programin për prodhimin e gjuajtësit të ri F-35.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA