Ministria e Mbrojtjes e Ukrainës ka mohuar njoftimet se qyteti jugor Kherson ka rënë në duart e rusëve.
“Sipas informacioneve nga brigada jonë, betejat po vazhdojnë ende”, tha një zëdhënës i ministrisë, duke shtuar se, “qyteti nuk është pushtuar plotësisht, disa pjesë janë nën kontrollin tonë”.
Media shtetërore ruse kishte raportuar më parë se trupat ruse kishin marrë kontrollin e plotë të qytetit.
Ishte ministria ruse e Mbrojtjes, e cila njoftoi se trupat e tyre kanë kapur Kherson-in, qyteti i dytë më i madh i Ukrainës me pothuajse 300 mijë banorë.
Strategjikisht do të ishte një bazë jetike për ushtrinë ruse nëse do të binte në duart e tyre.
Kherson është në vetvete një port i rëndësishëm i Detit të Zi dhe një qendër industriale.
Të kontrollosh Kherson-i do të thotë të kontrollosh gjithashtu një burim të madh uji.
Ukraina e mbylli kanalin e Krimesë së Veriut pasi Rusia pushtoi gadishullin e Krimesë, kështu që shumica e furnizimit me ujë të freskët në Krime u ndërpre, duke shkaktuar mungesë uji në rajonin e aneksuar.
Një nga objektivat e para të pushtimit ushtarak të Rusisë ishte zhbllokimi i asaj rruge ujore dhe rivendosja e furnizimit me ujë në Krime.
Automjetet ruse hynë në qendër të qytetit Kherson gjatë natës.
Lexo zhvillimet e fundit duke klikuar KËTU
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA