Presidenti i Francës Emmanuel Macron, kryeministri italian Mario Draghi dhe presidenti rumun Klaus Iohannis kanë vizituar Irpin-in.
Pasi ka vizituar qytetin jashtë kryeqytetit Kiev, presidenti Macron ka thënë se Ukraina duhet ta fitojë luftën kundër Rusisë.
“Franca ka qenë përkrah Ukrainës që nga dita e parë. Ukraina duhet të rezistojë dhe të fitojë”, u ka thënë Macron gazetarëve në përgjigje të një pyetjeje mbi komentet e tij të mëparshme se Rusia nuk duhet të poshtërohet.
Duke qëndruar pranë ndërtesave të shkatërruara, të djegura, ai dhe homologët e Gjermanisë, Italisë dhe Rumanisë dukeshin të shqetësuar teksa dëgjonin një zyrtar ukrainas që shpjegonte se çfarë kishte ndodhur.
Macron, më tej, u tha gazetarëve se Irpin “është një qytet heroik, i shënjuar nga stigma e barbarizmit”.
Për Ukrainën, Rusia ka kryer mizori në shkallë të gjerë në Irpin. Kurse Rusia i ka mohuar akuzat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA