Kishte shumë gëzim në stadiumin “El Sadar” të dielën, kur Osasuna siguroi kualifikimin në Ligën e Konferencës pasi mposhti Girona-n me rezultat 2:1 në ndeshjen e fundit në La Liga.
Megjithatë, ai gëzim mund të kthehet në dëshpërim, pas raporteve nga “Mundo Deportivo” se UEFA ka hapur një hetim në lidhje me veprat e trukimit të ndeshjeve që ndodhën gjatë sezoneve 2012/13 dhe 2013/14.
Janarin e kaluar, Gjykata e Lartë dënoi anëtarët e bordit të drejtorëve të Osasuna-s pas krimeve të “shpërdorimit, krimit kontabël, falsifikimit të dokumenteve dhe korrupsionit sportiv”.
🔴 Comunicado de Osasuna en respuesta a su posible exclusión de Europahttps://t.co/HnL0j4ECD3
— Mundo Deportivo (@mundodeportivo) June 7, 2023
Nëse UEFA vendos të ndëshkojë Osasuna-n, e cila mund të përfshijë përjashtimin e tyre nga Liga e Konferencës për sezonin e ardhshëm, atëherë Athletic Bilbao do të zërë vendin e tyre në kompeticion, pasi ka përfunduar i teti në tabelën e La Liga-s për sezonin 2022/23.
UEFA tashmë ka një hetim të vazhdueshëm për Barcelonën, në lidhje me “El Caso Negreira”, dhe ata tani kanë një edhe me Osasuna-n.
Ndërkohë “Los Rojillos” shpresojnë që gjithçka të jetë në rregull pasi që kualifikimi në garat evropiane është një e arritur e madhe për ta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kearns kërkon të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen
