Udhëheqësit e vendeve të G7-tës, në takimin e tyre të shtunën në Hiroshima, Japoni, kanë bërë thirrje për zhvillimin dhe miratimin e standardeve teknike për të siguruar një inteligjencë artificiale “të besueshme”.
Në deklaratën e tyre, liderët e G7 kanë pohuar se qasjet drejt arritjes së një “vizioni të përbashkët dhe qëllimit të inteligjencës artificiale të besueshme mund të ndryshojnë”. Ata kanë theksuar se rregullat për AI duhet të respektojnë vlerat demokratike të përbashkëta.
Bashkimi Evropian, anëtar i G7, ka treguar më shumë interes në miratimin e ligjit për rregullimin e inteligjencës artificiale. Këtë muaj, ata kanë avancuar në krijimin e një ligji të plotësuar për AI, i cili mund të jetë i pari në botë.
“Ne dëshirojmë që sistemet e inteligjencës artificiale të jenë të sakta, të besueshme, të sigurta dhe jo diskriminuese, pavarësisht origjinës së tyre”, deklaroi të premten Ursula von der Leyen, presidente e Komisionit Evropian.
G7 ka kërkuar që organizatat ndërkombëtare si Organizata për Bashkëpunim dhe Zhvillim Ekonomik të analizojnë ndikimin e politikave të inteligjencës artificiale.
Ky samit ndoqi një takim të ministrave të sektorit digjital të G7-së në muajin e kaluar, ku anëtarët, përfshirë SHBA-në, Japoninë, Gjermaninë, Britaninë, Francën, Italinë, Kanadanë dhe BE-në, thanë se duhet të miratojnë rregulla për inteligjencën artificiale duke u bazuar në rrezikun që ajo mund të sjellë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu
