Një trup i pajetë është gjendur në Ulqin më 8 qershor dhe tashmë autoritetet malazeze kanë konfirmuar se ai i përket ish-shefit të policisë së qytetit bregdetar, Rudolf Elezoviç.
Ky i fundit dyshohej se ishte zhdukur më 27 maj në kufirin midis Shqipërisë dhe Malit të Zi, në zonën e fshatrave Pentar dhe Reç.
Shkaqet e vdekjes nuk janë ende të ditura, por dyshimet e para të policisë janë ato të vetëvrasjes.
Gjithsesi, nuk përjashtohet as një vrasje e tipit mafioz, pasi ish-kryepolici i Ulqinit, po hetonte mbi një çështje trafikimi droge.
Zhdukja e Elezoviçit
E para e cila ka raportuar zhdukjen e tij, ka qenë gruaja, ku sipas saj, ai ka humbur çdo kontakt me familjen.
Nga informacionet fillestare u mësua se Elezoviç, kishte qenë i përfshirë në sektorin e anti-trafikut në Policinë Kufitare të Malit të Zi.
Ai kishte shërbyer si shef i policisë së Ulqinit për pothuajse gjashtë vjet, deri në vitin 2014, kur u zëvendësua nga Sead Djozovic.
Policia u informua se oficeri i tyre ishte larguar nga shtëpia pesë ditë përpara zhdukjes përfundimtare dhe që atëherë nuk kishte telefonuar në familje.
Policia malazeze gjithashtu informoi kolegët e saj në rajon për zhdukjen e kolegut të tyre. Anëtarë të policisë shqiptare, u përfshinë gjithashtu në kërkim.
Elezoviç ishte përgjegjës për mbikëqyrjen dhe kontrollimin e kalimit të kufirit shtetëror në Portin e Tivarit, pikat kufitare Sukobin dhe Tivar, si dhe të gjithë kufirin shtetëror në territorin e komunave të Ulqinit dhe Tivarit.
Ai gjithashtu drejtonte departamentin që merret me zbulimin dhe parandalimin e migrimit të ligjshëm të njerëzve dhe lëvizjen e mallrave përtej kufirit shtetëror jashtë vendkalimeve të vendosura kufitare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Ngrihet Kryesia Ekzekutive e Partisë së Lirisë
-
Shqipëria drejt prodhimit të dokumenteve digjitalë të identifikimit
Lajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen