Tre senatorë të Shteteve të Bashkuara të Amerikës, Chris Murphy, Thom Tillis dhe Jeanne Shaheen do ta vizitojnë të enjten e 21 prillit Kosovën.
Është bërë e ditur se gjatë qëndrimit në Kosovë ata do të realizojnë takim me presidenten e Kosovës, Vjosa Osmanin dhe kryeministrin Albin Kurti.
Vizita e tyre vjen pas vizitës që këta të tre Murphy, Tillis dhe Shaheen kishin në Bosnjë e Hercegovinë dhe Serbi.
Ishin zhvillimet e fundit në Ukrainë dhe lufta që Vladimir Putin ka nisur atje shkak që ky delegacion të realizoj vizita në shtete e Ballkanit Perëndimor.
Gjatë gjithë kësaj kohe që prej fillimit të konfliktit në Ukrainë, ka pasur paralajmërime se rajoni mund të jetë cak i Putinit për destabilizim dhe kjo ka alarmuar Perëndimin.
Kjo u konfirmua edhe nga vet senatori Chris Murphy nëpërmjet një shkrimi të tij në Twitter më 19 prill.
“Derisa Rusia vazhdon të humbasë në Ukrainë, ata do të përpiqen të krijojnë probleme në rajonet e brishta të afërta. Unë gjatë kësaj jave jam në Serbi, Kosovë dhe Bosnje me senatoren Shaeen dhe senatorin Thom Tills për të forcuar lidhjet e SHBA-së me Ballkanin përballë përpjekjeve të huaja për ta minuar paqen”.
As Russia continues to lose in Ukraine, they will look to make trouble in nearby fragile regions.
I’m in Serbia, Kosovo, and Bosnia this week with @SenatorShaheen and @SenThomTillis to strengthen U.S. ties to the Balkans in the face of foreign efforts to undermine peace.
— Chris Murphy (@ChrisMurphyCT) April 19, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA