“Rripi i Gazës po përballet me një katastrofë të afërt humanitare, me mbylljen e plotë të termocentralit brenda disa orësh për shkak të mungesës së karburantit”.
Kështu ka bërë me dije përmes një deklarate zyra qeveritare për mediat.
“Kjo kërcënon ta zhysë Rripin në errësirë të plotë dhe ta bëjë të pamundur vazhdimin e ofrimit të të gjitha shërbimeve bazë të jetës, të cilat të gjitha varen nga energjia elektrike dhe nuk do të jetë e mundur t’i operojmë ato pjesërisht me gjeneratorë në dritën e parandalimit të furnizimeve me karburant nga Rafah”.
Sipas deklaratës, “kjo situatë katastrofike krijon një krizë humanitare për të gjithë banorët e Rripit të Gazës, e cila përkeqësohet më tej nga agresioni i vazhdueshëm i pushtimit dhe shkatërrimi i lagjeve të tëra të banuara me qindra ton eksplozivë, dhe bombardimet e shtëpive të qytetarëve mbi kokat e tyre, që mund të cilësohet si krimi më i ndyrë i dënimit kolektiv ndaj civilëve të pambrojtur në historinë moderne”.
“Përballë këtij realiteti që kërcënon jetën e më shumë se 2.3 milionë njerëzve, ne bëjmë një thirrje shumë urgjente për shqetësim ndaj komunitetit ndërkombëtar dhe organizatave të tij humanitare dhe ndihmuese, me nevojën për të lëvizur shpejt për të ndaluar këtë krim kundër njerëzimit dhe këtë vrasje masive shumëformëshe dhe nevojën për t’i siguruar Rripit të Gazës të gjitha mjetet e jetës dhe jo braktisjen e tij. Banorët e saj janë peng i mjeteve vrasëse të përdorura nga pushtimi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
