Statusi i të dhunuarve gjatë luftës në Kosovë u është njohur mbi një mijë personave.
Nga gjithsejtë një mijë e 586 aplikime, një mijë e 40 prej tyre u është njohur statusi nga Komisioni Qeveritar për njohjen dhe verifikimin e statusit të personave të dhunuar gjatë luftës së fundit në Kosovë.
Kështu ka thënë kryetarja e këtij komisioni, Minire Begaj, e cila ka theksuar se secilit rast po i jepet koha e nevojshme në mënyrë që procesi të jetë i drejtë dhe korrekt.
“Prej muajit shkurt 2018, kur edhe kemi filluar zyrtarisht në nivel vendi, kemi pranuar një mijë e 586 aplikime. Prej tyre të shqyrtuara dhe që ua kemi njohur statusin janë një mijë e 40 personave. Ka edhe një numër të konsiderueshme të aplikimeve të cilat pritet të shqyrtohen pasi të sjellin dokumente shtesë”, tha ajo.
“Puna jonë e komisionit, përkundër që është proces i ndjeshëm, po ia jep secilit rast kohën e duhur, për arsye se nuk janë raste të lehta ku secili rast është histori në vete. Për këtë arsye komisioni në fazë të kompetencave dhe përgjegjësive po i përdorë të gjitha mënyrat dhe mjetet në fuqi për të siguruar një proces të drejtë”, është shprehur ajo për RTK.
Me legjislacionin në fuqi procesi i aplikimit është i hapur deri në muajin shkurt të vitit 2023.
Ndërkaq, sipas statistikave të publikuara në Kosovë, janë mbi 20 mijë viktima të dhunës seksuale gjatë luftës së fundit.
Kompensimi i personave që kanë fituar statusin e të dhunuarve gjatë luftës është 230 euro në muaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kearns kërkon të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen