“Shpresojmë se Kosova do marrë përgjigjen e merituar nga OKB-ja” – qeveria ruse pas shpalljes “non grata” të zyrtarit rus të UNMIK-ut
![](https://albanianpost.com/wp-content/uploads/2022/01/1231303.jpg)
Moska zyrtare shpreson se shpallja “non grata” e zyrtarit rus të Organizatës së Kombeve të Bashkuara që është me mision në UNMIK do të marrin përgjigjen e merituar nga OKB-ja.
Kështu ka deklaruar Maria Zakharova, zëdhënësja e Ministrisë së Punëve të Jashtme të Rusisë.
![](https://albanianpost.com/wp-content/uploads/2022/01/1310979.jpg)
“Ne presim që ky arbitraritet i Prishtinës të marrë një përgjigje të duhur kategorike nga udhëheqja e OKB-së”.
“Ne i bëjmë thirrje Misionit të Administratës së Përkohshme të Kombeve të Bashkuara në Kosovë (UNMIK) dhe Forcës Paqeruajtëse Ndërkombëtare të Kosovës (KFOR) që të garantojnë sigurinë e rusëve dhe të gjithë anëtarëve të misionit të OKB-së, brenda autoritetit të tyre sipas rezolutës së Këshillit të Sigurimit të OKB-së”, tha diplomatja ruse.
Tutje, Zakharova ka thënë se shpallja “person non grata” e një anëtari të Misionit të Administratës së Përkohshme të OKB-së në Kosovë është “vazhdimësi e linjës provokuese që synon përkeqësimin e marrëdhënieve ndëretnike”.
“Ne e konsiderojmë një marifet tjetër të Prishtinës si vazhdim të linjës provokuese për përkeqësimin e marrëdhënieve ndëretnike, duke diskredituar organizatën botërore dhe, së fundi, por jo më pak e rëndësishme, rolin konstruktiv të Rusisë në Ballkan”.
Diplomatja ruse ka nënvizuar se “Rusia dënon hapat e marrë nga Kosova”, të cilët ajo i quajti “agresiv”.
“Ne dënojmë fuqishëm çdo përpjekje për të kufizuar operacionin e misionit të OKB-së ose për ta ‘shtrydhur atë’ nga Kosova duke ndërmarrë hapa agresivë që bien ndesh me frymën dhe shkronjën e Rezolutës 1244 të Këshillit të Sigurimit të OKB-së”, shtoi Zakharova.
![](https://albanianpost.com/wp-content/uploads/2022/01/WH-Donika-Gervalla-114.jpg)
Ndryshe, Kryediplomatja kosovare, Donika Gërvalla, më 31 dhjetor të vitit që lamë pas, njoftoi se me kërkesë Kryeministrit të Kosovës, Albin Kurti, ” në Kosovë është shpallur “non grata” një zyrtar rus i UNMIK-ut, shkaku i veprimtarive të dëmshme të tij, të cilat kanë cenuar sigurinë kombëtare.
Gërvalla ka theksuar se një lidhje me këtë vendim ishin njoftuar edhe institucionet ligj-zbatuese dhe autoritete përkatëse për zbatimin e këtij vendimi
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj