Shkopinj golfi dhe një thikë 24 mijë dollarëshe: Trump nuk raportoi qindra dhurata nga vendet e huaja
Administrata e Donald Trump gjatë kohës kur ai ishte në detyrë në Shtëpinë e Bardhë, dështoi që të raportonte me qindra dhurata nga vendet e huaja, të cilat së bashku përllogariten të vlejnë rreth çerek milioni dollarë
Kjo, sipas një raporti të Qeverisë amerikane, duke përfshirë edhe një pikturë të vetë Trump, në përmasa reale, nga presidenti i El Salvadorit, apo shkopinj golfi të markave të luksit, të bëra dhuratë nga kryeministri japonez.
Mirëpo edhe dhjetëra të tjera, mendohet se thjesht janë zhdukur, pa u ditur se çfarë kanë qenë, sa vlejnë dhe ku kanë shkuar.
Detajet u zbuluan si pjesë e një raportimi nga Komiteti i Mbikëqyrjes pranë Kongresit amerikan, i cili u zhvillua nga ligjvënësit amerikanë.
Ato që më së shumti spikasin, janë dhuratat nga Arabia Saudite, ku përfshihet edhe një thikë e vlerësuar në rreth 24 mijë dollarë, apo 17 dhurata nga shteti indian, mes të cilave edhe butona këshime shumë të shtrenjtë, një vazo, apo një model i replikuar i ndërtesës së njohur të Taj Mahal, e cila vlerësohet në 4 mijë e 600 dollarë.
Sipas një akti për dhuratat dhe dekorimet, vlerësohet se çdo send me vlerë, të cilin presidentit ia dhurojnë shtete të huaja dhe e kalojnë vlerën e 480 dollarëve, duhet të deklarohet në Departamentin e Shtetit.
Po sipas raportit të demokratëve në Kongres, numri i dhuratave që Trump ka deklaruar është tejet i ulët krahasuar me ato të presidentëve të mëparshëm, duke ngritur kështu dyshime të mëdha mbi fshehjen e tyre.
Nuk dihet gjithsesi nëse mosdeklarimi ka qenë i qëllimshëm, apo thjesht paaftësi e kabinetit të Trump për të respektuar udhëzimet ligjore, ashtu si parashikohen në Kushtetutën amerikane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog