Senati amerikan këtë javë do të mbyllë punën mbi një projektligj prej 1 trilion dollarësh për investime në infrastrukturë.
Pritet që ky projekt të sjellë përmirësime në rrugë, ura dhe sisteme të transportit. Gjithashtu do t’i jepte një fitore të rrallë dypartiake presidentit të SHBA-ve, Joe Biden.
Pas sesioneve të gjata të punës të shtunën dhe të dielën, negociatorët e Senatit njoftuan se kishin përfunduar hartimin e një projektligji prej 2 mijë e 702 faqesh, i cili u prezantua menjëherë, duke u hapur rrugën senatorëve për të debatuar mbi ndryshimet.
“Kanë kaluar dekada – dekada – qëkur Kongresi miratoi një investim kaq domethënës, të pavarur”, tha udhëheqësi i shumicës së Senatit, Chuck Schumer.
Kreu demokrat shtoi se “në fund, grupi dypartiak i senatorëve kanë prodhuar një projektligj që do t’i kushtojë burime të konsiderueshme për të riparuar, mirëmbajtur dhe përmirësuar infrastrukturën fizike të kombit tonë”.
Legjislacioni, nëse miratohet, do të ishte investimi më i madh në infrastrukturën amerikane në dekada. Kalimi i tij do të shënonte një fitore të madhe për Biden dhe Kongresin.
Gjithashtu do të hapte rrugën për demokratët, duke vepruar pa mbështetjen e republikanëve, për të filluar punën në një kuadër buxhetor që do të skiconte planet për një faturë prej 3.5 trilionë dollarësh “infrastruktura njerëzore”.
Një pjesë e tyre do të përdoren për të luftuar ndryshimin e klimës, do të ndihmonte miliona emigrantë të fitonin mbrojtje ligjore dhe të financonte kujdesin shëndetësor të zgjeruar, përfshirë edhe për të moshuarit që kanë nevojë për ndihmë në shtëpi.
Së pari, Senati duhej të vendoste prekjet përfundimtare në fondet federale prej rreth 1 trilion dollarë për projektet e ndërtimit që do të përmirësonin rrugët e vendit, urat dhe linjat hekurudhore.
Gjithashtu do të zgjeronin aksesin në internet me shpejtësi të lartë në zonat rurale, ku ekonomitë janë penguar nga teknologji e vjetër.
Legjislacioni do të ndihmonte në ndërtimin e një rrjeti kombëtar të stacioneve të ngarkimit të automjeteve elektrike dhe zëvendësimin e tubave të ujit të plumbit, edhe pse në nivele më të ulëta se sa kërkonte fillimisht Biden.
Në një shenjë të rrallë mbi palët javën e kaluar, nisma fitoi mbështetjen e hershme nga mjaft republikanë për të filluar debatin mbi projektligjin.
Duke përjashtuar zhvillimet e papritura, ligji mund të jetë gati për një votim përfundimtar që këtë javë, sipas disa senatorëve.
Marrë dhe përshtatur nga Reuters për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
