Liga më prestigjioze për klube në Evropë rikthehet sonte (e marte, 18 prill) me ndeshjet e kthimit të fazës çerekfinale.
Përballja më interesante do të jetë ajo në “Stadio Diego Armando Maradona” ku do të ballafaqohen Napoli dhe Milan-i.
Ndeshja e parë në “San Siro” ka përfunduar me fitore minimale të kuqezinjve me rezultat 1:0.
Pra, çdo fitore e vendasve në ndeshjen e sotme me një gol epërsi do ta çonte ndeshjen në vazhdime, kurse më shumë se një gol epërsi do të kualifikohej Napoli në gjysmëfinale.
The deciders! 🔥
Who will be celebrating at full time?#UCL pic.twitter.com/L3hXytz7oW
— UEFA Champions League (@ChampionsLeague) April 18, 2023
Ndërsa, kuptohet që një barazim apo fitore e kuqezinjve, do të ishin pikërisht ata që kualifikohen në gjysmëfinale, sukses ky që iu mungon që nga viti 2007, kur edhe u shpallën kampionë të kësaj gare.
Ndeshje tjetër interesante do të jetë ajo mes Chelsea-t dhe Real Madrid-it, pavarësisht se këta të fundit e kanë një epërsi prej dy golave.
Blutë e Londrës do të kërkojnë ta rikthejnë rezultatin në këtë ndeshje edhe pse e kanë përballë një nga ekipet më të mira në kohët e fundit në Ligën e Kampionëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
