Futbollisti i kombëtares së Shqipërisë, Keidi Bare, pësoi një dëmtim të rënë në ligamentin e gjurit, i cili do ta lërë jashtë fushave për pjesën e mbetur të sezonit.
Mbingarkesa në ndeshjet e fundit me skuadrën e tij, Espanyol, ka rezultuar fatale dhe tashmë mesfushori duhet të qëndrojë jashtë fushave për një kohë të gjatë.
Pas lëndimit të pësuar, ka reaguar vetë Bare, i cili me anë të një postimi në profilin e tij të rrjetit social Instagram ka folur për këtë dëmtim që mund ta mbajë larg fushave për shumë muaj.
View this post on Instagram
Së fundmi mesfushori fierak ka shkruar se nuk do të jetë në gjendje që të ndihmojë Espanyol-in e tij në këtë pjesë të mbetur të sezonit dhe se falënderon të gjithë për mbështetjen.
“Fatkeqësisht, nuk do të jem në gjendje ta ndihmoj skuadrën për pjesën e mbetur të sezonit për shkak të dëmtimit që kam pësuar.
“Tani mund të mbështes shokët e mi të skuadrës vetëm jashtë fushës dhe të bëj më të mirën për t’u rikuperuar sa më shpejt dhe sa më mirë që të jetë e mundur. Faleminderit për gjithçka që më keni dhënë këtë vit”, shkroi Bare.
Kujtojmë që mesfushori kuqezi nuk do të jetë i gatshëm as për Shqipërinë në ndeshjet e muajit qershor në Ligën e Kombeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
