Plot 60 minuta do të jetë fjalimi i kryeministrit të Shqipërisë, Edi Rama, përballë anëtarëve të Këshillit Evropian në prezantimin e rezolutës kundër raportit të Dick Marty-t, për ish-krerët e UÇK-së.
Ashtu siç mëson Albanian Post, sesioni për propozimin e Qeverisë shqiptare do të mbahet muajin e ardhshëm me 12 tetor.
Këshilli i Evropës vetëm disa kohë më parë pranoi këtë rezolutë që dënon raportin e Martyt dhe e hedh poshtë atë si të pavërtetë, të paargumentuar dhe të pabazuara në prova e fakte.
Për rrjedhojë, ai duhet të cilësohet si i tillë nga të gjitha institucionet ndërkombëtare.
Këshillit të Evropës, ndër të tjera, i kërkohet të distancohet nga akuzat e pa provuar nga hetimet ndërkombëtare sepse 11 vite pas hartimit të raportit, asnjë nga pretendimet e ngritura prej tij nuk është vërtetuar.
Gjithashtu i kërkohet Qeverisë shqiptare të mbetet plotësisht e përkushtuar për të ndihmuar drejtësinë dhe identifikuar përgjegjësinë për të gjitha krimet e kryera në ish-Jugosllavi.
Në projektrezolutë përsëritet thirrja për të gjithë të interesuarit që të bashkëpunojnë me Mekanizmin Ndërkombëtar për kryerjen e funksioneve të mbetura të gjykatave penale (IRMCT), brenda juridiksionit të saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla