Protestat e serbëve lokal në tri komunat veriore të Kosovës, janë duke vazhduar edhe këtë të hënë.
Që në mëngjes, para objektit të komunës së Zveçanit, në mesin e protestuesëve janë parë edhe kryetari i Listës Serbe, Goran Rakiç dhe nënkryetari Igor Simiç.
Të dy bëheshin pjesë e protestës herë pas here, nga e premtja e 26 majit, kur edhe filloi.
Ata i kanë bërë thirrje të vazhdueshme pjesëtarëve të KFOR-it që të jenë garantuesit e vetëm të sigurisë në atë pjesë, dhe që të mos ketë pjesëtarë të Policisë së Kosovës.
Në Zveçan, Leposaviq e Zubin Potok, qytetarët serbë po protestojnë para objekteve komunale duke kërkuar largimin e kryetarëve shqiptarë të dalë nga zgjedhjet e 23 prillit, zgjedhje këto të cilat Lista Serbe i bojkotoi, për më tepër kërkoi që edhe qytetarët serbë të mos dalin për të votuar.
Tani, të pa kënaqur me rezultatet, pas vendosjes së kryetarëve në zyrat e tyre, në objektet e komunës, me ndihmën e Njësive Speciale të Policisë së Kosovës, serbët po protestojnë duke kërkuar largimin e tyre dhe njëherit largimin e Policisë së Kosovës nga ato hapësira.
Përveç 29 majit, kur protesta eskaloi, duke lënë të lënduar 30 ushtarë të KFOR-it, disa policë të lënduar, shumë vetura të djegura e demoluara, dhe disa gazetarë të sulmuar, në ditët tjera situata ishte më e qetë.
Në gati çdo ditë që kur filloi kjo protestë forcat e rendit kanë njoftuar për incidentet e shkaktuara, por ato janë menaxhuar nga KFOR-i dhe Policia e Kosovës.
Këtë të hënë ashtu si gati çdo ditë, serbët po qëndrojnë në tendat të cilat i kanë ngritur para objekteve komunale, dhe përveç ditën, një numër i caktuar i protestuesve po qëndrojnë aty edhe natën.
Ndërkaq ndërtesat e komunave janë rrethuar me tela me gjemba dhe ndalesa betoni nga KFOR-i duke mos lejuar kështu fytjen e protestuesve në hapësirat e objekteve komunale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shefi i OSBE-së: Kemi pasur rritje të dhunës ndaj gazetarëve në 12 muajt e fundit
-
KPMShCK e ktheu në punë, Ministria e largon përsëri
-
Erdogan heq çdo dyshim: Kemi ndaluar tregtinë me Izraelin
-
Qendra për Mbrojtjen e Grave në vështirësi të mëdha financiare – gratë që ikin nga burrat dhunues shpejt mund ta humbin edhe këtë strehë shpëtimi
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Presidenti Begaj shpallet ‘Qytetar Nderi’ i arbëreshëve të Kalabrisë
-
Niger, trupa ruse hyjnë në bazën ku ndodheshin trupat amerikane
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu
